රට තුළ පවතින දේශපාලන අර්බුදය විසඳීමට තම පාර්ශ්වය පැය 24 තුළම වෙහෙසෙන බවත් එතෙක් මහබැංකු අධිපතිවරයාට ඉවසීමෙන් කටයුතු කරන ලෙසත් පාර්ලිමේන්තු මන්ත්‍රී ආචාර්ය හර්ෂ ද සිල්වා පවසයි.
ඊයේ (11) මහ බැංකු අධිපති ආචාර්ය නන්දලාල් වීරසිංහ සති දෙකක කාලයක් තුළ දේශපාලන අර්බුදය නොවිසඳුනහොත් තමන් ධූරයෙන් ඉල්ලා අස්වන බවට කළ ප්‍රකාශයට ප්‍රතිචාර දක්වමින් හර්ෂ ද සිල්වා මේ බව ප්‍රකාශ කළේය.
“මහ බැංකු අධිපතිවරයා කිව්වා ආර්ථිකය අසාද්‍ය තත්ත්වයේ තියෙන්නේ කියලා. ඒ වගේම ඔහු ඉල්ලා අස්වෙන්නත් යනවා කියලා අනතුරු ඇඟෙව්වා. මහ බැංකු අධිපතිවරයාට මට කියන්න තියෙන්නේ… කරුණාකරලා ඔබතුමා ඉවසීමෙන් වැඩ කරන්න. අපි පැය 24ම උත්සාහ කරනවා මේ දේශපාලන අර්බුදයට විසඳුමක් හොයන්න.”