වසරේ ඉතිරි මාස කිහිපය සඳහා අලුත් අයවැයක් ඉදිරිපත් කිරීමට බලාපොරොත්තු වන බව අග්‍රාමාත්‍ය රනිල් වික්‍රමසිංහ ප්‍රකාශ කළේය.
අග්‍රාමාත්‍යවරයා මේ බව ප්‍රකාශ කළේ අද (16) පක්ෂ 10 නියෝජිතයන් සමඟ පැවති සාකච්ඡාවේදීය.
ඒ පිළිබඳව වැඩිදුරටත් අදහස් දක්වමින් උදය ගම්මන්පිල ප්‍රකාශ කළේ,
“වර්තමාන තත්ත්වය ඇගයීමට ලක්කර අලුත් අයවැයක් පාර්ලිමේන්තුවට ඉදිරිපත් කරනවා කියලා අගමැතිතුමා කිව්වා. ඒ අනුව මේ වසරේ දෙසැම්බර් දක්වා වූ කාලය සඳහා වන වැඩසටහන අයවැයක් ලෙසින් නුදුරු කාලයේදීම පාර්ලිමේන්තුවට ඉදිරිපත් කිරීමට බලාපොරොත්තු වෙනවා කියලා අගමැතිතුමා කිව්වා.” යනුවෙනි.