මේ මස 21 වැනිදා කොළඹ නගර සභා බල ප්රදේශයේ කොළඹ 12, 13, 14 සහ 15 යන ප්රදේශවල ජල කප්පාදුවක් සිදු කිරීමට නියමිත බව ජාතික ජල සම්පාදන හා ජලාපවහන මණ්ඩලය පවසයි.
අත්යාවශ්ය නඩත්තු කටයුත්තක් හේතුවෙන් මෙම ජල කප්පාදුව සිදුකරන අතර ඒ අනුව 21 වැනිදා රාත්රී 10.00 සිට පසුදින (22 වැනිදා) පෙරවරු 8.00 දක්වා පැය 10ක් ජල සැපයුම අත්හිටුවේ.
මෙම නවීකරණ කටයුත්ත නිසා කොළඹ 1 සහ කොළඹ 11 ප්රදේශවලට අඩු පීඩනයක් යටතේ ජල සැපයුම ලැබෙන බවත් ජාතික ජල සම්පාදන හා ජලාපවහන මණ්ඩලය ප්රකාශ කළේය.