ඉන්ධන තොග සන්තකයේ තබාගෙන පාරිභෝගිකයන්ට බෙදා හැරීමේ කටයුතු පැහැර හැර වෙනත් ව්‍යාපාරික පාර්ශව වෙනුවෙන් ඉන්ධන තොග එක් රැස් කරන ලද ඉන්ධන පිරවුම්හල් දෙකක සහ ලබා දී ඇති නිර්දේශවලට පටහැනිව බැරල් සහ බූලි වලට ඉන්ධන නිකුත් කරන ලද ඉන්ධන පිරවුම්හල් දෙකකට ඉන්ධන නිකුත් කිරීම ලංකා ඛණිජ් තෙල් සංස්ථාව මගින් ඊයේ සවස සිට අත්හිටුවා ඇත. තවද පොලිස් ඉන්ධන පිරවුම්හල වෙත තුන්වන පාර්ශව වෙත ඉන්ධන අලෙවිය වෙනුවෙන් ලබා දී තිබූ තාවකාලික බලපත්‍රයද අහෝසි කර ඇත.
