සංවිධානාත්මක අපරාධකරුවකු හා ප්‍රබල මත්ද්‍රව්‍ය ජාවාරම්කරුවෙකු වන සින්නයියා ගුණසේකරම් නොහොත් කිඹුලා ඇල ගුණාගේ ගෝලයෙක් පොලිස් විශේෂ කාර්ය බලකාය විසින් අත්අඩංගුවට ගෙන තිබේ.
අත්අඩංගුවට ගත් සැකකරු කිඹුලා ඇලේ ගුණාගේ මත්ද්‍රව්‍ය ජාලය මෙහෙයවන ප්‍රධාන පුදගලයෙක් බව හඳුනාගෙන ඇති අතර පොලිස් විශේෂ කාර්ය බලකායට ලද තොරතුරක් මත ඊයේ (23) මෝදර ප්‍රදේශයේදී සැකකරු අත්අඩංගුවට ගෙන ඇති බව වාර්තා වෙයි.
මෙලෙස අත්අඩංගුවට ගත් සැකකරු වයස අවුරුදු 23ක රොබින්සන් ඉනේක් නැමති අයෙකි. අත්අඩංගුවට ගන්නා අවස්ථාවේදී සැකකරු සන්තකයේ තිබී අයිස් මත්ද්‍රව්‍යද හමු වී තිබේ.