තීරුබදු නොගෙවා මෙරටට ආනයනය කළ දුම්වැටි තොගයක් සමඟ පුද්ගලයකු පොලිස් විශේෂ කාර්ය බලකායේ නිලධාරීන් විසින් අත්අඩංගුවට ගෙන තිබේ.
ඊයේ (23) කාත්තන්කුඩි පොලිස් වසමේ අල් අමීන් පාර, නව කාත්තන්කුඩි ප්රදේශයේදී සිදුකළ වැටලීමකදී මෙම සැකකරු අත්අඩංගුවට ගෙන ඇති අතර එහිදී හොර රහසේ මෙරටට ආනයනය කරන ලද දුම්වැටි 1020ක් අඩංගු පැකට් 51ක් සොයාගෙන තිබේ.
අත්අඩංගුවට ගත් සැකකරු කාත්තන්කුඩි ප්රදේශයේ පදිංචි වයස අවුරුදු 47ක පුද්ගලයෙකි. වැඩිදුර විමර්ශන කටයුතු සඳහා සැකකරු සහ දුම්වැටි තොගය කාත්තන්කුඩි පොලිස් ස්ථානය වෙත බාර දී ඇති බව වාර්තා වෙයි.