බැසිල් රාජපක්ෂ ශ්‍රී ලංකා පොදුජන පෙරමුණ හා මහජන එක්සත් පෙරමුණ අතර සාකච්ඡාවක් පවත්වා ඇති බව වාර්තා වෙයි.
රටේ උද්ගතවී ඇති වර්තමාන ආර්ථික හා දේශපාලන තත්වය සම්බන්ධයෙන් මෙන්ම ඉදිරියේදී සිදු කිරීමට යෝජිත ආණ්ඩුක්‍රම ව්‍යවස්ථා සංශෝධන සම්බන්ධයෙන් එහිදී සාකච්ඡා කර තිබේ.
ඉදිරියේදීත් පක්ෂ දෙක එක්ව කටයුතු කිරීමට තීරණය වූ බව ශ්‍රී ලංකා පොදුජන පෙරමුණ පවසයි.
මෙම සාකච්ඡාව සඳහා ශ්‍රී ලංකා පොදුජන පෙරමුණ නියෝජනය කරමින් අමාත්‍ය ජී.එල්.පිරිස්, බැසිල් රාජපක්ෂ ඇතුළු පාර්ලිමේන්තු මන්ත්‍රී කණ්ඩායමක් සහභාගී වී ඇති අතර මහජන එක්සත් පෙරමුණ නියෝජනය කරමින් අමාත්‍ය දිනේෂ් ගුණවර්ධන, සිසිර ජයකොඩි, යදාමිණි ගුණවර්ධන ඇතුළු පිරිසක් සහභාගී වී තිබේ.