වව්නියාව – නෙලුක්කුලම – ගනේෂපුරම් – මරක්කාරම්පලෙයි ප්රදේශයේ පදිංචි ලබන වසරේ සාමාන්ය පෙළ විභාගයට පෙනී සිටීමට නියමිත 16 හැවිරිදි දැරියකගේ මළ සිරුරක් ඊයේ (31) හමු වී තිබේ.
වව්නියාව – ගනේෂපුරම් – මරක්කාරම්පලෙයි ප්රදේශයේ පාළු ලිඳක තිබී මෙම මළ සිරුර සොයාගෙන තිබේ.
මේ සම්බන්ධයෙන් පොලිස් නිල සුනඛයන් යොදා ගනිමින් සිදු කළ විමර්ශනවලදී සාක්ෂි කිහිපයක් අනාවරණය වී තිබේ. අදාළ දැරියගේ පාවහන් යුගලය සහ පොත් බෑගය ඇයගේ සිරුර ගොඩගත් ළිඳ ආසන්නයේ පිහිටි ගසක් යට තිබී හමු වී ඇති අතර මෙම දැරිය එම ගස යට මද වේලාවක් හිඳගෙන සිටින්නට ඇති බවට පොලීසිය සැක පළ කරයි.
පොලීසිය සැක පළ කරන්නේ මෙම දැරිය ළිඳට පැන සියදිවි හානි කර ගන්නට ඇති බවයි. පෙරේදා රාත්රියේදී මෙම දැරියගේ සිරුර ඇය ජීවත් වූ නිවස ඉදිරිපිට පිහිටි පාළු ඉඩමක ලිඳක තිබියදී සොයා ගැණුනි. සිද්ධිය සම්බන්ධයෙන් වැඩිදුර පරීක්ෂණ ක්රියාත්මකයි.