වෙළෙඳපොළට අද (03) නිකුත් කරන්නේ ගෘහස්ථ ගෑස් සිලින්ඩර් 16,000ක් පමණක් බව ලිට්‍රෝ සමාගම පවසයි.
එම ගෑස් සිලින්ඩර් කොළඹ 01 සිට 15 දක්වා ප්‍රදේශවල බෙදා හරින බව ලිට්‍රෝ සමාගමේ සභාපති විජිත හේරත් සඳහන් කළේය.
එමෙන්ම සෙසු ප්‍රදේශවලට අද (03) ගෑස් බෙදා නොහරින බවත් එම නිසා ජනතාව ගෑස් මිලදී ගැනීමට පෝලිම්වල රැඳි නොසිටින ලෙසත් සභාපතිවරයා ඉල්ලීමක් කළේය.
ලබන ඉරිදා ගෑස් මෙට්‍රික් ටොන් 2,500 ක් රැගත් නැවක් දිවයිනට සේන්දු වීමට නියමිත අතර ඉන් අනතුරුව ගෑස් බෙදා හැරීම යළි ආරම්භ කරන බව සභාපතිවරයා වැඩිදුරටත් අවධාරණය කරයි.