නාගරික ඉඩම් වගා කිරීමේ රජයේ වැඩපිළිවෙළ යටතේ වගා කළ හැකි ඉඩම් ලෙස නාගරික සවංර්ධන අධිකාරියට අයත් ඉඩම් අක්කර 782ක් හඳුනාගෙන ඇති බව නාගරික සංවර්ධන හා නිවාස අමාත්‍ය ප්‍රසන්න රණතුංග පැවසීය.
අමාත්‍යවරයා මේ බව ප්‍රකාශ කළේ නාගරික සංවර්ධන අධිකාරියේ ඉදිරි කටයුතු පිළිබඳව එහි ශ්‍රවණාගාරයේ පැවති සාකච්ඡාවකදීය.
මෙම ඉඩම්වල වගා කිරීමේ කටයුතු කඩිනමින් ආරම්භ කරන්නැයි ඇමතිවරයා අදාළ බලධාරීන්ට උපදෙස් දී ඇත.
දිවයින පුරා සියළු දිස්ත්‍රික්ක ආවරණය වන පරිදි මෙම ඉඩම් පිහිටා ඇති අතර ඒවා ඉඩම් අක්කර 01 සිට 400 දක්වා ප්‍රමාණයන්ගෙන් සමන්විත බවත් ඇමතිවරයා සඳහන් කළේය.
එම ඉඩම්වල ඒ ඒ ප්‍රදේශවලට ආවේණික බෝග වර්ග හඳුනාගෙන වගා කිරීමට බලාපොරොත්තු වන බව ඇමතිවරයා ප්‍රකාශ කළේය.