කැනේඩියානු අග්‍රාමාත්‍ය ජස්ටින් ටෘෘඩෝට දෙවන වරටත් කොවිඩ් වෛරසය ආසාදනය වී ඇති බව විදෙස් මාධ්‍ය වාර්තා කරයි.
කැනේඩියානු අග්‍රාමාත්‍යවරයා විසින් ඊයේ (13) නිකුත් කළ නිවේදනයක් හරහා තම කොවිඩ් තත්ත්වය තහවුරු කළ අතර තමා එන්නත ලබාගෙන ඇති බැවින් සුවෙන් පසුවන බව සඳහන් කර තිබේ.
එමෙන්ම සෞඛ්‍ය විධිවිධානවලට අනුකූලව හුදකලා වී සිටීමට තමා කටයුතු කරන බව පැවසූ අග්‍රාමාත්‍යවරයා ඉල්ලා සිටියේ මෙතෙක් කොවිඩ් එන්නත් ලබාගෙන නොමැති පුද්ගලයන්ට එම එන්නත හා හැකි නම් බූස්ටර් මාත්‍රාවද ලබා ගන්නා ලෙසයි.