වසරකට මුළු පිරිවැටුම රුපියල් මිලියන 120 ඉක්මවන ආනයනකරුවන්, නිෂ්පාදකයින්, සේවා සපයන්නන්, තොග වෙළඳුන් සහ සිල්ලර වෙළඳුන් සඳහා 2.5%ක අනුපාතයක් යටතේ නව බද්දක් වශයෙන් සමාජ ආරක්ෂණ දායකත්ව බද්ද හඳුන්වා දීමට කැබිනට් මණ්ඩලය තීරණය කර තිබේ.
ඒ සඳහා නීති කෙටුම්පත් සම්පාදක විසින් පනත් කෙටුම්පත සකස් කර ඇති අතර එය රජයේ ගැසට් පත්‍රයේ පළකර පාර්ලිමේන්තුවේ අනුමැතියට ඉදිරිපත් කිරීමට කැබිනට් මණ්ඩලයේ අනුමැතිව හිමිව ඇත.
2022 අයවැය යෝජනාවක් අනුව මෙය ක්‍රියාත්මක වේ.
