රජය සතු සහ වගා නොකළ ඉඩම් හඳුනාගෙන ඒවා වගා කිරීමට උනන්දුවක් දක්වන තරුණ තරුණියන් වෙත කඩිනමින් ලබාදීමට පියවර ගත යුතු බව ජනාධිපති ගෝඨාභය රාජපක්ෂ පවසයි.
ජනාධිපතිවරයා මේ බව ප්‍රකාශ කළේ රාජ්‍ය වියදම් කළමනාකරණය සම්බන්ධයෙන් ඊයේ (15) කොළඹ කොටුව ජනාධිපති මන්දිරයේ පැවැති සාකච්ඡාවකදීය.
පුද්ගලයන් ලියාපදිංචි කිරීමේ, ආගමන හා විගමන දෙපාර්තමේන්තුව ඇතුළු අනෙකුත් රාජ්‍ය ආයතන පුළුල් කර එම සේවාවන් වඩාත් කාර්යක්ෂමව දිස්ත්‍රික් සහ ප්‍රාදේශීය මට්ටමින් ලබාදීමට හැකි බවත් එවැනි ප්‍රධාන ආයතන ඒකාබද්ධ කිරීමේ වැදගත්කමත් ජනාධිපතිවරයා එහිදී පෙන්වා දුන්නේය.
ත්‍රිවිධ හමුදාව, සිවිල් ආරක්ෂක බළකාය සහ බන්ධනාගාර දෙපාර්තමේන්තුවද වගා කටයුතුවල නිරත වීමට සූදානමින් සිටින බව ජනාධිපතිවරයා එහිදී පැවසීය.