වාහන තදබදය මඟහරවා ගැනීම සඳහා ගුරුවරුන් තම නිවෙස්වලට ආසන්න පාසල්වල සේවයට සම්බන්ධ කර ගැනීමට අධ්‍යාපන අමාත්‍යාංශය තීරණය කර තිබේ.
මෙම තීරණය දෙසැම්බර් 31 වැනිදා දක්වා බලපැවැත්වෙන බවත් ඒ සඳහා පළාත් අධ්‍යාපන අමාත්‍යාංශයේ අධ්‍යක්ෂවරුන්ට සහ කලාප අධ්‍යාපන අධ්‍යක්ෂවරුන්ට බලය පවරමින් අධ්‍යාපන අමාත්‍යාංශයේ ලේකම්වරයා විසින් චක්‍රලේඛයක් නිකුත් කර ඇත.
ජාතික පාසලක් හෝ සාමාන්‍ය පාසලක් යන භේදයකින් තොරව ගුරුවරුන් බඳවා ගත හැකි බව නිවේදනයේ දක්වා තිබේ.
අධ්‍යාපන අමාත්‍යාංශය පවසන්නේ සිසුන්ට බාධාවකින් තොරව අධ්‍යාපනය ලබාදීමට මෙම තීරණය ගෙන ඇති බවයි.