නව කොවිඩ් වෛරස් ප්‍රභේදයක් හඳුනාගෙන ඇති බව ශ්‍රී ජයවර්ධනපුර විශ්වවිද්‍යාලයේ වෛද්‍ය පීඨයේ අසාත්මිකතා ප්‍රතිශක්තිවේදය හා සෛල ජීව විද්‍යා අංශයේ ප්‍රධානි ආචාර්ය චන්දිම ජීවන්දර පවසයි.
මේ වනවිට රට තුළින් කිසිදු නව වෛරස් ප්‍රභේදය ආසාදිතයෙකු හඳුනාගෙන නොමැති බවත් අදාළ වෛරසය පිළිබඳ දැඩි අවධානයෙන් සිටින අතර එම නව වෛරසය BA5 ලෙසින් නම් කර ඇති බවත් වෛද්‍ය චන්දිම ජීවන්දර සිය නිල ට්විටර් ගිණුමෙහි සටහනක් තබමින් පෙන්වා දෙයි.
මේ වනවිට මෙම නව වෛරසය ලොව රටවල් 63කින් වාර්තා වී ඇති අතර අනෙක් වෛරසයන්ට වඩා ඉතා ශීඝ්‍රයෙන් මෙම වෛරසය පැතිර යන බව වෛද්‍යවරයා අවධාරණය කරයි.
