කන්දකාඩු පුනරුත්ථාපන හා රැඳවුම් මධ්‍යස්ථානයේ රැදී සිටි රැඳවියෙකු පහර දී ඝාතනය කිරීමේ සිදුවීම සම්බන්ධයෙන් එම මධ්‍යස්ථානයේ සහාය උපදේශවරුන් සිවුදෙනෙක් අත්අඩංගුවට ගත් බව පොලීසිය පවසයි.
ගුවන් හමුදාවේ සැරයන්වරු දෙදෙනෙක්, යුද හමුදාවේ මාණ්ඩලික සැරයන්වරයෙක් හා තවත් සැරයන්වරයෙක් මෙසේ අත්අඩංගුවට ගෙන තිබේ.
සැකකරුවන් ඊයේ (01) අත්අඩංගුවට ගෙන ඇති අතර රැඳවියාට පහරදීමට යොදාගත් විදුලි වයරයක් හා උණ පතුරු දෙකක්ද පොලීසිය විසින් අත්අඩංගුවට ගෙන තිබේ.
