වහාම ක්‍රියාත්මක වන පරිදි සේවයට වාර්තා නොකළහොත් වර්ජනයේ නිරත තැපැල් සේවකයින් සේවය අතහැර ගියා සේ සලකා අවශ්‍ය ක්‍රියාමාර්ග ගන්නා බව තැපැල්පති රංජිත් ආරියරත්න පවසයි.
අද (02) මේ සම්බන්ධයෙන් වෘත්තිය සමිති වෙත ලිඛිතව දැනුම් දීමට කටයුතු කිරීමට නියමිතය.
ඉන්ධන හිඟයත් සමඟ රට තුළ පවතින අර්බුදකාරී වාතාවරණය හේතුවෙන් අගහරුවාදා, බදාදා සහ බ්‍රහස්පතින්දා දිනවල පමණක් දිවයින පුරා පිහිටි තැපැල් කාර්යාල සහ උප තැපැල් කාර්යාල විවෘත කිරීමට පසුගියදා තීරණය කෙරුණ අතර ඊට විරෝධය පළකරමිනුයි පසුගිය 26 වනදා සිට තැපැල් වෘත්තිය සමිති විසින් මෙම වර්ජනය ආරම්භ කළේය.
මෙම වර්ජනය හේතුවෙන් මධ්‍යම තැපැල් හුවමාරුවේ සහ විදේශ අංශයේ තැපැල් මලු සැලකිය යුතු ප්‍රමාණයක් ගොඩගැසී ඇති බව වාර්තා වෙයි.