ගාල්ල දෙවට ඉන්ධන පිරවුම්හලේ පෝලිමේ සිටි පෞද්ගලික බස් රථ රියදුරෙකුට නාවික හමුදා නිලධාරියෙකු පහරදීම හේතුවෙන් බස්‍රථ රියදුරා තුවාල ලබා කරාපිටිය රෝහලට ඇතුළත් කර ඇති බව අප වාර්තාකරු පැවසීය.
ඉන්ධන පෝලිමේ සිටියදී මෙම පහරදීම සිදු වූ බවට එම බස් රථ රියදුරු පැමිණිලි කර ඇත. තමන් බස් රථයට ඩීසල් ලබා ගැනීම සඳහා පෝලිමේ සිටියදී ඉන්ධන පිරවුම්හලේ සිටි නාවික හමුදා නිලධාරියෙකු පැමිණ ඉන්ධන නොදෙන බවත් ටෝකන්වලට පමණක් ලබාදෙන බවත් පවසා ඇති අතර නාවික හමුදා නිලධාරියා බස් රථයේ දොර ඇර වැරෙන් පහර දුන් බවත් තවත් නිලධාරීන් පිරිසක් ගිනි අවි එල්ල කරගෙන පැමිණි බවත් බස් රථ රියදුරු පවසයි.