ඉන්ධන රැගත් නෞකා හතරක් ළඟදීම මෙරටට ළගාවීමට නියමිත බව විදුලිබල හා බලශක්ති අමාත්ය කාංචන විජේසේකර පවසයි.
ඒ අනුව ඩීසල් රැගත් නෞකාවක් හෙට (12) සිට 15 වැනිදා අතර කාලයේත්, බොරතෙල් නෞකාවක් ලබන 14 වැනිදා සහ 16 වැනිදා අතර කාලයේත්, දැවිතෙල් නෞකාවක් 15 වැනිදා සිට 17 වැනිදා අතර කාලයේදීත් මෙරටට ළගාවීමට නියමිතය.
එම නෞකා කොළඹට පැමිණීමෙන් පසු මුදල් ගෙවිය යුතු අතරම පෙට්රල් නෞකාව ලබන 17 වැනිදා සහ 19 වැනිදා අතර කාලයේදී ළගාවීමට නියමිත බව අමාත්යවරයා වැඩිදුරටත් පැවසීය.
