මෙරට ජනගහනයෙන් මිලියන 06 – 7.5 අතර පිරිසක් මන්දපෝෂණයෙන් පෙළෙන බව වැඩබලන ජනාධිපති රනිල් වික්‍රමසිංහ පවසයි.
ගෝලීය කුසගින්න සහ සාගත වැළැක්වීම පිළිබඳ ජාත්‍යන්තර සංවාදයකට සහභාගි වෙමින් රනිල් මේ බව සඳහන් කළේය.
රට මුහුණ දී සිටින අර්බුදකාරී තත්වය සම්බන්ධයෙන් සංවාදයට සහභාගි වූ ජාත්‍යන්තර නියෝජිතයන් දැනුවත් කර ඇති වැඩබලන ජනාධිපතිවරයා ශ්‍රී ලාංකික ජනතාවට සහාය ලබාදෙන ලෙස ඔවුන්ගෙන් ඉල්ලා තිබේ.
මෙම සංවාදය සඳහා එක්සත් ජාතීන්ගේ මහා මණ්ඩලයේ සභාපති අබ්දුල්ලා ෂාහිඩ් ඇතුළු ජාත්‍යන්තර සංවිධානවල සහ විවිධ රටවල නියෝජිතයන් පිරිසක් සහභාගි වී තිබේ.