හිටපු මහබැංකු අධිපති අජිත් නිවාඩ් කබ්රාල් ඉදිරිපත් කළ මාස 06 ප්‍රතිපත්ති ප්‍රකාශය මහ බැංකුව තුළ ක්‍රියාත්මක වී නොතිබූ බව වත්මන් ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ පවසයි.
මහ බැංකු අධිපතිවරයා මේ බව ප්‍රකාශ කළේ ඊයේ (25) රාත්‍රියේ රූපවාහිනී නාලිකාවක පැවති වැඩසටහනකට එක්වෙමිනි.
එම ප්‍රතිපත්ති ප්‍රකාශයේ පමණක් නොව තවත් කාරණා ගණනාවක් ක්‍රියාත්මක කර නොතිබූ බවත් මෙච්චර ණය ලැබෙන බවටද හිටපු අධිපතිවරයා ප්‍රකාශ කර තිබූ බවත් ඔහු පෙන්වා දුන්නේය.
හිටපු මහබැංකු අධිපතිවරයා විසින් ඉදිරිපත් කළ ප්‍රතිපත්තිමය මාර්ග සිතියමෙන් පසු සංචිත බිංදුවට වැටුණු බවත් පෙන්වා දුන් මහබැංකු අධිපතිවරයා කියා සිටියේ කබ් රාල සුළු හා මධ්‍ය පරිමාණ ව්‍යවසායකයින්ට ණය පොලී කපා හැරීමක් ක්‍රියාත්මක නොකළ බවත්ය.