හිටපු ජනාධිපති ගෝඨාභය රාජපක්ෂට ආරක්ෂාව සහ පහසුකම් ලබාදීම රජයේ වගකීමක් බව ශ්‍රී ලංකා පොදුජන පෙරමුණේ ලේකම් පාර්ලිමේන්තු මන්ත්‍රී නීතිඥ සාගර කාරියවසම් පවසයි.
හෙතෙම මේ බව සඳහන් කළේ මාධ්‍ය හමුවකට එක්වෙමිනි.
එහිදී වැඩිදුරටත් අදහස් දක්වමින් ඔහු කියා සිටියේ ශ්‍රී ලාංකික පුරවැසියකු හේතුවෙන් ඔහුට මෙරටට පැමිණීමට අයිතියක් සහ හැකියාවක් ඇති බවයි.
එමෙන්ම ඔහු මෙරටට පැමිණෙනු ඇතැයි තමා විශ්වාස කරන බවත් ශ්‍රී ලංකා පොදුජන පෙරමුණේ දේශපාලනය කිරීමට කැමතිනම් පිළිගැනීමට සූදානම් බවත් ඔහු එහිදී අවධාරණය කළේය.