අලාභ ලබන රාජ්‍ය ව්‍යවසාය පිළිබඳව ප්‍රතිපත්තිමය තීරණ ගත යුතුව ඇති බවත් රාජ්‍ය ව්‍යවසාය පිළිබඳ ආර්ථික සංකල්පය මේ වන විට අසාර්ථක වී ඇති බවත් ජනපති රනිල් වික්‍රමසිංහ පැවසීය.
“මීට දශක හතරකට පහකට පෙරාතුව රාජ්‍ය ව්‍යවසාය පිළිබඳ ආර්ථික සංකල්පයක් පැවැතුණා. නමුත් එය අසාර්ථක බව මුළු ලොවම පිළිගෙන තිබෙනවා. සමාජවාදී රටවල් වන චීනය හා වියට්නාමය පවා දැන් රාජ්‍ය ව්‍යවසාය ක්‍රියාත්මක කරන්නේ නෑ. අපි තවදුරටත් මේ පැරණි සංකල්පයේම එල්ලී සිටියොත් අපේ රට පහතට වැටෙන එක නවත්වන්න කිසිවෙකුටත් බෑ. පාඩු ලබන ව්‍යවසායන් ඉදිරියට කරගෙන යන්නේ කෙසේද කියා අපිට ප්‍රතිපත්තිමය තීරණ ගන්න වෙනවා.”