අරගලයේ ක්‍රියාකාරී සාමාජිකයෙකු වූ රතිඳු සේනාරත්න හෙවත් රැට්ටා ඊයේ (02) ඇප මත මුදා හැර තිබෙනවා.
සැකකරු රුපියල් ලක්ෂ 5 ක ශරීර ඇප මත මුදා හැරීමට කොටුව මහේස්ත්‍රාත් තිලිණ ගමගේ නියෝග කළේය.
පසුගිය මැයි 21 වැනිදා කොටුව බැංකු මාවත ප්‍රදේශයේදී පැවති විරෝධතාවක් අතරතුර අධිකරණ නියෝග උල්ලංඝණය කළ බව පවසමින් පොලිස් මධ්‍යම අපරාධ විමර්ශන ඒකකය විසින් ඔහු ඊයේ (02) අත්අඩංගුවට ගනු ලැබීය.
සැකකරු වෙනුවෙන් කරුණු දක්වමින් ජනාධිපති නීතිඥ රියෙන්සි අර්සකුලරත්න ඇතුළු නීතිඥ මඩුල්ලක් ඉදිරිපත් කළ කරුණු සලකා බැලූ මහේස්ත්‍රාත්වරයා සැකකරු ඇප මත මුදා හැරීමට නියෝග කළේය.