ඉදිරි සතිය තුළ සජිත් ප්‍රේමදාස තීන්දුවක් ලබා නොගතහොත් සමගි ජන බලවේගයේ කණ්ඩායමක් අනිවාර්යයෙන්ම එම පක්ෂයෙන් ඉවත් වී ආණ්ඩුවට එකතු බව සංචාරක හා ඉඩම් අමාත්‍ය හරීන් ප්‍රනාන්දු පැවසීය.
අමාත්‍යව මේ බව ප්‍රකාශ කළේ ඊයේ (01) පෞද්ගලික නාලිකාවක පැවති වැඩසටහනකට එක්වෙමිනි.
සමගි ජන බලවේගය දෙකඩ වීමට තමා අකමැති බවත් ජ්‍යෙෂ්ඨයන්, නව පරපුරේ කිහිපදෙනක් සහ තම මැද වයසේ කිහිපදෙනෙකු එලෙස පක්ෂයෙන් ඉවත් වීමට සූදානම් බව අමාත්‍යවරයා එහිදී හෙළිදරවු කළේය.
තමා තවමත් සමගි ජන බලවේගයේ කොටස්කරුවෙකු බවත් යම්කිසි දවසක සමගි ජන බලවේගය සහ එක්සත් ජාතික පක්ෂය එකට එකතු කරන පුද්ගලයා තමන් බවත් ප්‍රනාන්දු අවධාරණය කළේය.