ඉන්දියාවේ විශ්වාසවන්තම මිතුරා සහ අවංක සහකරු ලෙස ශ්‍රී ලංකාවට ආර්ථික අර්බුදයෙන් ගොඩ ඒම සඳහා ඉන්දියාව නිරන්තරයෙන් උපකාර කරන බවට ඉන්දීය විදේශ අමාත්‍ය සුබ්‍රමනියම් ජයශංකර් සහතික වී තිබේ.
කාම්බෝජයේ පැවැත්වෙන ආසියානු සහ ඉන්දීය අමාත්‍යවරුන්ගේ සමුළුවට සහභාගී වෙමින් ශ්‍රී ලංකාවේ නව විදේශ අමාත්‍ය අලි සම්‍රි අද (05) හමුවූ අවස්ථාවේදී විදේශ අමාත්‍යවරයා මේ බව ප්‍රකාශ කර තිබේ.
චීන නෞකාව ශ්‍රී ලංකාවට පැමිණීමත් සමඟ ඉන්දියාව හා ශ්‍රී ලංකාව අතර හිත් අමනාපකමක් ඇති නොවීම සඳහා දෙරට අතර රාජ්‍ය තාන්ත්‍රික සාකච්ඡා පැවැත්වෙමින් තිබේ.