ජනාධිපතිවරයා සමඟ අද (09) පැවැත්වීමට නියමිතව තිබූ සර්ව පාක්ෂික වැඩපිළිවෙල පිළිබඳව සාකච්ඡාව සඳහා ජනතා විමුක්ති පෙරමුණ එක් නොවන බව ජනතා විමුක්ති පෙරමුණේ නායක අනුර කුමාර දිසානායක පවසයි.
ඒ සඳහා අදාළ තම යෝජනා ජනාධිපතිවරයා වෙත ලිඛිතව යොමු කරන බවත් හෙතෙම ප්‍රකාශ කළේය.
කෙසේ වෙතත් මීට පෙර සැලසුම් කර තුබුණේ ජනතා විමුක්ති පෙරමුණ සහ ජනාධිපතිවරයා අතර සර්ව පාක්ෂික ආණ්ඩුව පිහිටුවීමට අදාළව සාකච්ඡා අද (09) පැවැත්වීමටයි.
පසුගියදා සමගි ජන බල සන්ධානය නියෝජනය කරමින් පාර්ලිමේන්තු මන්ත්‍රි මනෝ ගනේෂන්ගේ දෙමළ ප්‍රගතිශීලි සන්ධානය සහ ශ්‍රී ලංකා මුස්ලිම් කොංග්‍රසයේ නායක රවුෆ් හකීම් ජනාධිපතිවරයා හමුවූ අතර ඔවුන්ද වෙන වෙනම සිය පක්ෂ නියෝජනය කරමින් ජනාධිපතිවරයා හමුවීමට නියමිතවය.