රුසියානු පාලනය යටතේ පවතින ක්‍රිමියාවේ පිහිටි ආයුධ ගබඩාවක ඇති වූ ගින්නක් හේතුවෙන් විශාල පිපිරීමක් හටගෙන ඇති බව විදෙස් මාධ්‍ය වාර්තා කරයි.
පිපිරීමෙන් පුද්ගලයෙක් මියගොස් තවත් කිහිප දෙනෙක් තුවාල ලබා ඇති බව විදෙස් මාධ්‍ය වැඩිදුරටත් සඳහන් කරයි. ක්‍රිමියාවේ පිහිටි ‘සාකි’ හමුදා කඳවුර තුළ පිහිටි ආයුධ ගබඩාවක් මෙසේ පුපුරා ගොස් තිබේ.
රුසියානු ආරක්ෂක අමාත්‍යංශය පවසන්නේ මෙම පිපිරීම පිටතින් එල්ල වූ ප්‍රහාරයක් හේතුවෙන් සිදුවූවක් නොවන බවත් ගුවන්යානා උණ්ඩ පුපුරායාමක් හේතුවෙන් මෙම පිපිරීම සිදුව ඇති බවත්ය.