සංශෝධිත බස් ගාස්තුවට වඩා වැඩි මුදලක් අය කරනු ලබන බස් රථ හිමියන්ට එරෙහිව නීතිමය පියවර ගන්නා බව ජාතික ගමනාගමන කොමිෂන් සභාවේ අධ්යක්ෂ ජනරාල් නිලාන් මිරැන්ඩා පවසයි.
ජාතික ගමනාගමන කොමිෂන් සභාවට ලැබුණු පැමිණිලි අනුව මෙම බස් රථ පරීක්ෂාව සිදු කෙරේ. ඒ අනුව අන්තර් පළාත් බස් රථ පරීක්ෂා කිරීම සඳහා ජංගම පරීක්ෂණ නිලධාරීන් යොදවන ලෙස ජාතික ගමනාගමන කොමිෂන් සභාව මගී ප්රවාහන බලධාරීන්ට දැනුම් දී තිබේ.
එම සිද්ධීන්වලට සම්බන්ධ ඇතැම් බස් රථ හිමියන්ට එරෙහිව දඩ නියම කර නීතිමය පියවර ගෙන ඇති අතර මගීන්ගෙන් අය කරන අතිරික්ත මුදල ආපසු ගෙවීමටද ප්රතිපාදන සලසා ඇත.