ජනාධිපති රනිල් වික්‍රමසිංහගේ පෞද්ගලික නිවසට ගිනි තැබීමෙන් රුපියල් මිලියන 205ක අලාභයක් සිදුව ඇති බවට ගණන් බලා තිබේ.
මෙම නඩුව අද (11) කොළඹ කොටුව මහේස්ත්‍රාත් දිලින ගමගේ ඉදිරියේ විභාගයට ගත් අවස්ථාවේදී අපරාධ පරීක්ෂණ දෙපාර්තමේන්තුව මේ බව පැවසීය.
නිවසට ගිනි තැබීමෙන් රුපියල් මිලියන 14ක් සහ ජනාධිපතිවරයාගේ මෝටර් රථයට ගිනි තැබීමෙන් රුපියල් මිලියන 191ක අලාභයක් සිදුව ඇති බව අපරාධ පරීක්ෂණ දෙපාර්තමේන්තුව අධිකරණයට ප්‍රකාශ කළේය.