බිස්කට් සමාගම් මිල ඉහළ දැමීම පිළිබඳව අවධානය යොමු වී තිබෙන බවත් අවශ්‍ය වුවහොත් එය අත්‍යවශ්‍ය භාණ්ඩයක් ලෙස නම් කර භාණ්ඩයේ මිල වැඩි කිරීමට පාරිභෝගික සේවා අධිකාරියේ අනුමැතිය යටතට ගන්නා බව වෙළඳ හා ආහාර සුරක්ෂිතතා අමාත්‍යවරයා පවසයි.
අමාත්‍යවරයා මේ බව ප්‍රකාශ කළේ ඊයේ (10) වෙළෙඳ, වාණිජ හා ආහාර සුරක්ෂිතතා අමාත්‍යාංශයේදී පාරිභෝගික සේවා අධිකාරි නිලධාරීන් සමඟ පැවැති මාධ්‍ය සාකච්ඡාවකට සහභාගී වෙමිනි.