හිටපු මහ බැංකු අධිපති අජිත් නිවාඩ් කබ්රාල්ට පනවා තිබූ විදෙස් ගමන් තහනම අද (23) අහෝසි වන බවට තොරතුරු වාර්තා වේ.
පැමිණිලිකරු වන පූජ්‍ය තීනියාවල පාලිත ස්වාමින් වහන්සේ වෙනුවෙන් පෙනී සිටි ජනාධිපති නීතිඥ සරත් ජයමාන්න කියා සිටියේ සංශෝධිත පැමිණිල්ල තවමත් සූදානම් නැති නිසා එය ගොනු කිරීමට කල් අවශ්‍ය බවයි.
ඒ අනුව තිලිණ ගමගේ මහෙස්ත්‍රාත්වරයා 2022 නොවැම්බර් 15 වැනිදා තෙක් කල් ලබා දෙන බවට නියෝග කළේය.
තවද පැමිණිලිකරුගේ නීතිඥවරු වගඋත්තරකරු අජිත් නිවාඩ් කබ්රාල් වෙනුවෙන් මීට පෙර ක්‍රියාත්මක වී තිබූ විදේශ ගමන් තහනම ඉල්ලා නොතිබුණු නිසා එම විදේශ ගමන් තහනමද අද දිනෙන් අහෝසි වීමට නියමිතය.