පාසල් සිසුන් අපයෝජනය කිරීමේ චෝදනා මත රක්ෂිත බන්ධනාගාර ගතකර සිටි උණවටුන, මැටරඹ දේවාලයේ කපුවා අද (23) ගාල්ල මහේස්ත්‍රාත් අධිකරණයට ඉදිරිපත් කළා.
එහිදී මහේස්ත්‍රාත්වරයා නියෝග කළේ සැකකාර කපුවා ලබන මස 06 වනදා දක්වා යළි රක්ෂිත බන්ධනාගාර ගත කිරීමටයි.
සැකකාර කපුවා අද දින අධිකරණයට ඉදිරිපත් කරන අවස්ථවේ දී අධිකරණය අසළ සාමකාමී විරෝධතාවක් ද පැවැත් වුණා.
ගාල්ල සහ කොළඹ ප්‍රදේශවල වයස අවුරුදු 09ත් 15ත් අතර දරුවන් කිහිප දෙනෙකු වට්සැප් තාක්ෂණය මඟින් පොළඹවාගෙන අපයෝජනය කර ඇති බවට අනාවරණය වීමත් සමඟ සැකකාර කපුවා පසුගිය 10 වනදා අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබුවා.