රට වෙනුවෙන් තම දිවි කැප කළ විශේෂ කාර්ය බලකායේ 38 වන රණවිරු ගුණ සැමරුම සැප්තැම්බර් 01 වැනිදාට යෙදී තිබේ.
‘අභියෝග මැද ස්ථිර අදිටනින් නියතයි ජය’ පාඨය තම තේමාව කරගත් විශේෂ කාර්ය බලකාය යනු වසර 38 ක් පුරා මාතෘභූමියේ භෞමික අඛණ්ඩතාවය හා ශෛරීත්වය වෙනුවෙන් අභිමානවත් ගමනක් පැමිණි බලකායක්.
රට වෙනුවෙන් දිවි පිදූ හා ඇස්, ඉස්, මස්, ලේ දන්දුන් එම අභිමානවත් රණවිරුවන් අහිමානයෙන් සැමරීමේ උත්සව මාලාවක් විශේෂ කාර්ය බලකාය විසින් සංවිධානය කර තිබේ.
ඒ අනුව සැප්තැම්බර් 01 වැනිදා උදේ 7.30ට විශේෂ කාර්ය බලකාය කටුකුරුන්ද පුහුනු පාසලේ, උදේ 07.50ට අනුරාධපුර රුවන්වැලි මහ සෑය අබියස, උදේ 07.15ට කතරගම කිරි වෙහෙර පූජා භූමි පරිශ්‍රයේ, 07.15 ට විශේෂ කාර්ය බලකාය අම්පාර කඳවුරේ ස්ථාපිත කර ඇති රණවිරු ස්මාරකය අභියස හා උදේ 10ට මහනුවර ශ්‍රී දළදා මාලිගාව අභියස මෙම උත්සව පැවැත්වීමට සැලසුම් කර තිබේ.