විදුලි බිල වැඩිවීම ජනතාවට අමාරු වුණත් මණ්ඩලයේ වියදම දෙස බැලූවිට මෙය කළ යුතුම දෙයක් බව විදුලිබල හා බලශක්ති අමාත්‍ය කංචන විජේසේකර පැවසීය.
අමාත්‍යවරයා මේ බව ප්‍රකාශ කළේ අද (29) පාර්ලිමේන්තුවේදී විදුලි බිල සම්බන්ධයෙන් පැවති විවාදයේදීය.
එහිදී වැඩිදුරටත් අදහස් දක්වමින් අමාත්‍යවරයා කියා සිටියේ පුනර්ජනනීය බලශක්ති ව්‍යාපෘතිවලට සහ පෞද්ගලික බලාගාර සඳහා විදුලිබල මණ්ඩලයට රුපියල් කෝටි 7600කට වැඩි මුදලක් ගෙවීමට ඇති බවත් ඛනිජ තෙල් නීතිගත සංස්ථාවට පමණක් ගෙවීමට ඇති මුදල රුපියල් කෝටි 3100ක් බවත්ය.
කෙසේනමුත් විදුලි බිල වැඩි කළද අඩු ආදායම්ලාභී අයට සහන සලසා ඇති බවත් අමාත්‍යවරයා පැවසීය.