තෝරාගත් ප්‍රාදේශීය සභා කිහිපයක් ඒ ආසන්නයේ පිහිටි නගර සභාවට හෝ මහ නගර සභාවට ඒකාබද්ධ කිරීමට තමා යෝජනා කරන බව ජනාධිපති රනිල් වික්‍රමසිංහ පැවසීය.
අද පාර්ලිමේන්තුවට අතුරු අයවැය යෝජනාව ඉදිරිපත් කරමින් ජනාධිපතිවරයා මේ බව කියා සිටියේය.
ඒ සඳහා මේ වන විටත් ප්‍රාදේශීය සභා 22ක් තෝරාගෙන ඇති බවත් ආදායම් මාර්ග බහුල පළාත් පාලන ආයතන මෙන් ම ප්‍රමාණවත් ආදායම් මාර්ග නො මැති පළාත් පාලන ආයතන පැවතීම හේතුවෙන් කාර්යක්ෂ ම මහජන සේවයක් සැලසීම සහ පරිපාලන කටයුතු පහසු කිරීම සඳහා ආරම්භයක් වශයෙන් මෙම යෝජනාව ඉදිරිපත් කරන බවත් ජනාධිපතිවරයා එහිදී වැඩිදුරටත් ප්‍රකාශ කළේය.