සංචාරක ක්ෂේත්‍රය නංවාලීමේ අරමුණ ඇතිව නව වීසා කාණ්ඩයක් හඳුන්වාදීමට කැබිනට් අනුමැතිය ලැබී තිබේ.
සංචාරක අමාත්‍ය හරීන් ප්‍රනාන්දු සඳහන් කළේ රටවල් 35ක පුරවැසියන් සඳහා එය අදාළ වන බවයි.
වසර 05 ක් සඳහා බලපැවැත්වෙන පරිදි ඕනෑම අවස්ථා ගණනකදී රටට පැමිණිය හැකි වන පරිදි මෙම වීසා බලපත්‍රය නිකුත් කෙරෙනු ඇති.
එමගින් එක් අවස්ථාවකදී උපරිම මාස 06ක් සඳහා ශ්‍රී ලංකාව තුළ රැඳී සිටිය හැකියාව ලැබෙන අතර දැනට ශ්‍රී ලංකාව මගින් නිකුත් කරන 01 අවුරුදු ඕනෑම අවස්ථා ගණනාවක් පැමිණිය හැකි වීසා බලපත්‍රය සහ මාස 06 කට නිකුත් කරන තනි අවස්ථා වීසා බලපත්‍රයට අමතරව මෙම නව වීසා බලපත්‍රය නිකුත් කරනු ලබයි.
