සතොස හරහා සහල් මිලදී ගැනීමට සහ විකිණීමට කැබිනට් මණ්ඩලය තීරණය කර ඇති බව කැබිනට් ප්‍රකාශක රමේෂ් පතිරණ පැවසීය.
අමාත්‍යවරයා මේ බව පැවසුවේ අද (13) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ ප්‍රවෘත්ති සාකච්ඡාවට එක්වෙමිනි.
සහල් අලෙවි මණ්ඩලයට සහල් ප්‍රමාණවත් නොවීම හේතුවෙන් සහල් මිලදී ගැනීම සම්බන්ධයෙන් මතුව ඇති ගැටලුවට විසඳුමක් ලෙස මෙම තීරණය ගෙන තිබේ.
සහල් මිලදී ගැනීමට අදාළ ජීවන වියදම පිළිබඳව අනුකමිටුව තුළ සාකච්ඡා කර විසඳුමක් ලබාදීමට බලාපොරොත්තු වන බවද අමාත්‍යවරයා සඳහන් කළා.
රටේ ආහාර සංචිත හිඟයක් ඇතිවේ යැයි බියෙන් ආරම්භ වූ සහල් ආනයනය ක්‍රමානුකූලව අඩු කර පසුව නතර කිරීමට කැබිනට් මණ්ඩලය තීරණය කළේය.