මේ වන විට ගාල්ල වරායේ ආයෝජන සඳහා සමාගම් 03ක් ඉදිරිපත් වී සිටින බවත් නුදුරේදීම ඉන් සුදුසු සමාගමකට ආයෝජන සඳහා අනුමැතිය ලබා දෙන බවත් වරාය නාවික හා ගුවන් සේවා අමාත්‍ය නිමල් සිරිපාල ද සිල්වා පැවසීය.
අමාත්‍යවරයා මේ බව ප්‍රකාශ කළේ ගාල්ල වරායේ නිරීක්ෂණ චාරිකාවක නිරත වෙමිනි.
ගාල්ල වරාය සංවර්ධනය කිරීම ජාතික අවශ්‍යතාවක් බව එහිදී පැවසූ අමාත්‍යවරයා අවධාරණය කළේ එහි කිසිදු සේවකයකුගේ රැකියා අනතුරකට පත්වන ආකාරයේ සැලසුමක් නොමැති බවයි.