මෙරට ක්‍රීඩකයන් දෙදෙනෙක් වන දිල්ෂාන් මධුසංක සහ කුසල් මෙන්ඩිස් ලබන වසරේ දකුණු අප්‍රිකාවේ පැවැත්වීමට නියමිත එරට විස්සයි විස්ස ක්‍රිකට් ලීග් තරගාවලිය සඳහා වන වෙන්දේසියේදී අලෙවි වී තිබේ.
ඒ අනුව කුසල් මෙන්ඩිස් රුපියල් ලක්ෂ 85කට සහ දිල්ෂාන් මධුසංක රුපියල් ලක්ෂ 56කට ඊයේ (19) කේප් ටවුන් නගරයේදී පැවති වෙන්දේසියේදී අලෙවි වී ඇත.
දකුණු අප්‍රිකානු ක්‍රීඩක ක්‍රිස්ටන් ස්ටබ්ස් මෙම වෙන්දේසියේදී වැඩිම මුදලකට අලෙවි විය. මෙම තරගාවලියට කණ්ඩායම් හයක් එක්වීමට නියමිතය.