2022 වසර සඳහා වන ඡන්ද හිමි නාමලේඛනය සහ උප නාමලේඛනය සහතික කිරීමෙන් පසුව පළාත් පාලන මැතිවරණය පැවැත්වෙන දිනය තීරණය කරන බව මැතිවරණ කොමිසමේ සභාපති අධිනීතිඥ නිමල් පුංචිහේවා පැවසීය.
යාපනයේ පැවති උත්සවයකින් අනතුරුව මාධ්‍ය වෙත අදහස් දක්වමින් සභාපතිවරයා මේ බව ප්‍රකාශ කළේය.
පළාත් පාලන මැතිවරණ ආඥා පනතට අනුව ඊයේ (21) සිට මැතිවරණය පැවැත්වීම සඳහා මැතිවරණ කොමිෂන් සභාවට බලය පවරා ඇති බවත් හෙතෙම එහිදී වැඩිදුරටත් අවධාරණය කළේය.