ශ්‍රී ලංකාව මුහුණ දී ඇති ආර් ථික අර් බුදය සැලකිල්ලට ගෙන මෙරට කම්කරුවන් 10,000ක් බඳවා ගැනීමට මැලේසියාව එකඟ වී ඇතැයි මැලේසියානු මානව සම්පත් අමාත්‍ය ඩටුක් සේරි එම් සරවනන් පවසයි.
ඒ මහතා අද (21) විශේෂ ප්‍රකාශයක් කරමින් කියා සිටියේ ශ්‍රී ලංකා රජය කම්කරුවන් 10,000 ක කෝටාවක් ඇතුළත් නිල අයදුම්පතක් ඉදිරිපත් කර ඇති බවයි.
ආර් ථික අර් බුදයෙන් දරුණුවට බැට කා ඇති ශ්‍රී ලංකාවට උපකාර කිරීම සඳහා විදේශීය ශ්‍රමිකයන් බඳවා ගැනීමට සැප්තැම්බර් 14 වැනිදා පැවති කැබිනට් රැස්වීමේදී එකඟ වූ බව පැවසූ ඔහු මැලේසියානු කර් මාන්තකරුවන්ගෙන් සහ සේවා ආයෝජකයන්ගෙන් ඉල්ලා සිටියේ ශ්‍රමිකයන් සේවයේ යොදවා රජයේ යහපත් චේතනාවට සහාය දෙන ලෙසයි.
මේ පිළිබඳ වැඩිදුර තොරතුරු [email protected] හෝ [email protected] වෙබ් අඩවිවලින් ලබාගත හැකි බව ඔහු වැඩිදුරටත් පෙන්වා දී තිබෙනවා.