ජාත්‍යන්තර මූල්‍ය අරමුදලේ නිලධාරීන් සමඟ සාකච්ඡා කිරීම සඳහා මෙරට නියෝජිතයින් පිරිසක් ඇමරිකාව බලා පිටත්ව යෑමට නියමිතය.
ඒ අනුව මහ බැංකු අධිපතිවරයා ඇතුළු රජයේ නියෝජිත පිරිස ඔක්තෝබර් 06 වැනිදා ඇමරිකාවේ වොෂිංටන් නුවර බලා පිටත්ව යන අතර එදිදී ඉදිරි සාකච්ඡා සිදු කෙරෙනු ඇත.
ශ්‍රී ලංකාව මුහුණ දී සිටින ආර් ථික අර් බුදයෙන් ගොඩෑඉමට ඇමරිකානු ඩොලර් බිලියන 2.9ක දීර් ඝ ණය පහසුකමක් සඳහා මේ වනවිටත් එකඟතාවයකට පැමිණ තිබේ. වසර 04ක් තුළ වාරික අටකින් මෙම මුදල ශ්‍රී ලංකාවට ලබාදීමට නියමිතය.
මෙම හමුවේදී විදේශ ණය ගෙවීමට අදාළ ප්‍රතිව්‍යුහගත කිරීමේ වැඩසටහනේ ගිවිසුම් සහ ප්‍රගතිය පිළිබඳවද සාකච්ඡා කිරීමට නියමිතව ඇත.