පින්නවල සත්වෝද්‍යානය රාත්‍රී සෆාරි උද්‍යානයක් ලෙස නම් කිරීමට තීරණය කර ඇති බව වනජීවී හා වනසම්පත් සංරක්ෂණ අමාත්‍යාංශය පවසයි.
වනජීවී අමාත්‍ය මහින්ද අමරවීර ඊයේ (25) පස්වරුවේ පින්නවල සත්වෝද්‍යානය හා ඇත් අතුරු සෙවන ආශ්‍රිතව ඇති ගැටළු සම්බන්ධයෙන් සාකච්ඡා කරනු ලැබූ අතර එම සාකච්ඡාවට එක්වූ ව්‍යාපාරික ප්‍රජාව කියා සිටියේ දැනට පින්නවල සත්වෝද්‍යානය හා ඇත් අතුරු සෙවන නැරඹීමට අවසර ලබාදෙන්නේ පස්වරු 5 දක්වා පමණක් බවයි.
මේ හේතුවෙන් රජයට විශාල ආදායමක් අහිමි වන බව ඔවුන් පැවසූ අතර ඒ අනුව පින්නවල සත්වෝද්‍යානය රාත්‍රී සෆාරි උද්‍යානයක් ලෙස නම් කිරීමට තීරණය කර තිබේ.