ශ්රී ලංකා නිදහස් පක්ෂය තුළ තමා දරන තනතුරු අහිමි කිරීමට ගෙන තිබෙන තීරණය බලරහිත කර ලෙස ඉල්ලා අමාත්ය නිමල් සිරිපාල ද සිල්වා මහතා විසින් ඉදිරිපත් කළ පෙත්සම සම්බන්ධයෙන් ලබන 19 වැනිදා කරුණු දක්වන ලෙස කොළඹ දිසා අධිකරණය අද (13) නියෝග කළේය.
ඒ සම්බන්ධයෙන් ශ්රී ලංකා නිදහස් පක්ෂයේ සභාපති මෛත්රීපාල සිරිසේනට සහ එම පක්ෂයේ ලේකම් දයාසිරි ජයසේකර වෙත නොතිසි නිකුත් කර තිබේ.
අමාත්ය නිමල් සිරිපාල ද සිල්වා මහතා ඉදිරිපත් කළ පෙත්සමක් සලකා බැලීමෙන් පසුව අධිකරණය එම නියෝගය නිකුත් කිරීමට පියවර ගත්තේය.