මාර්තු මාසයට පෙර මැතිවරණයක් නොපැවැත්වුවහොත් රට ලේ විලක් බවට පත්වනු ඇති බවත් කුමන ක්‍රමයකට හෝ මැතිවරණයක් පවත්වා ජනතා අභිලාෂයට ඉඩ දිය යුතු බවත් විපක්ෂයේ ප්‍රධාන සංවිධායක ලක්ෂ්මන් කිරිඇල්ල පැවසීය.
මන්ත්‍රීවරයා මේ බව ප්‍රකාශ කළේ මහනුවර ඓතිහාසික අස්ගිරි මහා විහාරයේ පැවති මාධ්‍ය හමුවකට එක්වෙමිනි.
එහිදී වැඩිදුරටත් අදහස් දක්වමින් මන්ත්‍රීවරයා, පළාත් පාලන මැතිවරණ ක්‍රමය සකස් කිරීමට වර්ථමාන ජනාධිපතිවරයා සහ අග්‍රාමාත්‍යවරයා මුල් වූ බැවින් එක්වරම එම මැතිවරණ ක්‍රමය ආණ්ඩුවට සුදුසු නොවුයේ කුමන හේතුවක් මතදැයි ප්‍රශ්න කළේය.