කෝප් කමිටුව හමුවට තවත් ආයතන පහක ප්‍රධානීන් කැඳවීමට තීරණය කර තිබේ.
ඒ අනුව ඉදිරි දිනවලදී ලංකා ධීවර සංස්ථාව, විදේශ රැකියා නියුක්ති කාර්යාංශය, ඉඩම් ප්‍රතිසංස්කරණ කොමිෂන් සභාව, ජාතික පශු සම්පත් සංවර්ධන මණ්ඩලය සහ ශ්‍රී ජයවර්ධනපුර මහ රෝහල යන ආයතනවල ප්‍රධානීන් කෝප් කමිටුව හමුවට කැඳවීමට නියමිතය.
එමෙන්ම කෝප් කමිටුවේ සභාපති මහාචාර්ය රංජිත් බණ්ඩාර කියා සිටියේ කෝප් කමිටුවේ ඉදිරි කටයුතු සඳහා විගණකාධිපතිවරයා සහ රාජ්‍ය ව්‍යාපාර දෙපාර්තමේන්තුව සක්‍රීයව දායක කර ගැනීමට තීරණය කර ඇති බවයි.