පසුගිය ආණ්ඩුව පෙරළා දැමීමේ කුමන්ත්‍රණය පිටුපස විමල් හා ගම්මන්පිල සිටියේ යැයි හිටපු අමාත්‍ය ජොන්ස්ටන් ප්‍රනාන්දු විසින් කරන ලද චෝදනාවට පාර්ලිමේන්තු මන්ත්‍රී විමල් වීරවංශ ප‍්‍රතිචාර දක්වා තිබේ.
තමන් දෙදෙනා එම ආණ්ඩුව පෙරලන කුමන්ත‍්‍රණයේ සිටියේ නම් එහි නියම කුමන්ත්‍රණකරුවා බැසිල් රාජපක්ෂ බවයි ඔහු ඊට පිළිතුරු දෙමින් කියා සිටියේ.
විමල් සහ ගම්මන්පිල දෙදෙනා කැබිනට්ටුවෙන් ඉවත් කරන තුරු තමන් කැබිනට්ටුවට නොපැමිණෙන බව බැසිල් රාජපක්ෂ එවකට ජනාධිපතිවරයාට දන්වා තිබූ බවද ඔහු පැවසීය. පැවති ආණ්ඩුව බැසිල් රාජපක්ෂට උවමනා පරිදි ගමන් කරවීම නිසා අද මේ තත්ත්වයට රට පත්ව ඇති බවද මන්ත්‍රීවරයා තවදුරටත් කියා සිටියේය.