අදහස් ප්‍රකාශ කිරීමේ සහ ප්‍රකාශනයේ නිදහසට සීමා පනවන්නේ නම් එය නීතියට අනුව සිදුකළ යුතු බව ශ්‍රී ලංකා නීතීඥ සංගමයේ සභාපති සාලිය පීරිස් පැවසීය.
සභාපතිවරයා මේ බව ප්‍රකාශ කළේ අද (19) කොළඹදී පැවති උත්සවයකට එක්වෙමිනි.
රටේ සියලුම පුරවැසියන්ට රජයට එරෙහිව අදහස් ප්‍රකාශ කිරීමට නිදහස ඇති අතර පොලිසියට විරෝධතාකරුවන්ට එරෙහිව ක්‍රියාමාර්ග ගත හැක්කේ එය කඩකර ප්‍රචණ්ඩත්වයට පත් වුවහොත් පමණක් බවත් ඔහු එහිදී වැඩිදුරටත් පැවසීය.
15.2 වාර්ගික හා ආගමික සමගිය ආරක්ෂා කිරීම, අධිකරණයට අපහාස කිරීම වැළැක්වීම, පාර්ලිමේන්තු වරප්‍රසාද ආරක්ෂා කිරීම යනාදියට එරෙහිව උසි ගන්වන අයුරින් ක්‍රියා කරන්නේ නම් ව්‍යවස්ථාමය සීමා පැනවිය හැක.
එහෙත් ව්‍යවස්ථාදායක යෝජනාවල එම වගන්ති පැහැදිලිව සඳහන් කළ යුතු බව සාලිය පීරිස් වැඩිදුරටත් පැවසීය.