ශ්‍රී ලංකාවේ විශේෂ අවශ්‍යතා සහිත දරුවන්ගේ සුබසාධනය සහතික කිරීම සඳහා ජාතික ප්‍රතිපත්තියක් සකස් කිරීමේ අවශ්‍යතාව පිළිබඳව පාර්ලිමේන්තු ළමා සංගමයේ අවධානය යොමුව තිබේ.
පාර්ලිමේන්තු ළමා සංගමයේ සභාපති රෝහිණී කුමාරි කවිරත්නගේ ප්‍රධානත්වයෙන් එම සංගමය රැස්වූ අවස්ථාවේදී මෙම තීරණය ගෙන ඇත.
මෙරට දරුවන්ගේ සුබසාධනය සම්බන්ධයෙන් සංගමයට ගත හැකි ඉදිරි ක්‍රියාමාර්ග විමසා ඇත.
කාන්තා හා ළමා කටයුතු අමාත්‍යාංශය සහ ඊට සම්බන්ධ අනෙකුත් සංවිධාන, පොලිසිය, පොලිස් කාන්තා අංශය, යුනිසෙෆ් යනාදී ආයතන සමඟ ළමා ආරක්ෂාව සම්බන්ධ ගැටලු සහ ඒවාට විසඳුම් ලබාදීමේ අදහස් පිළිබඳව සවිස්තරාත්මක සාකච්ඡාවක් පැවැත්වීමට තීරණය කර තිබේ.